ტურინის „იუვენტუსის“ კაპიტანი ჯორჯო კიელინი დაშავდა. 37 წლის ფეხბურთელმა ტრავმა „ვერონასთან“ მატჩში მიიღო და 75-ე წუთზე მოედანი დატოვა.
იტალიური მედიის ცნობით, ჯორჯო იტალიის თასზე „სასუოლოსთან“ და სერია A-ს მომდევნო ტურში „ატალანტასთან“ ნამდვილად ვერ ითამაშებს. გარდა ამისა, არსებობს შიში, რომ კიელინი გამოჯანმრთელებას ვერც ჩემპიონთა ლიგის მერვედფინალისთვის მოასწრებს, როცა „იუვე“ „ვილიარეალს“ დაუპირისპირდება.
მიმდინარე სეზონში ჯორჯო კიელინიმ ყველა ტურნირზე 16 მატჩი ჩაატარა და გოლი არ გაუტანია.