მთავარი / სიახლეები / კონტე: “იუვეში” წარმატების მიღწევაში დელ პიერო, ბუფონი და პირლო დამეხმარნენ”

კონტე: “იუვეში” წარმატების მიღწევაში დელ პიერო, ბუფონი და პირლო დამეხმარნენ”

ლონდონის „ტოტენჰემის“ მთავარი მწვრთნელი ანტონიო კონტე იტალიის მწვრთნელთა დიდების დარბაზში შეიყვანეს. არიგო საკის, ჯოვანი ტრაპატონის, მარჩელო ლიპისა და რობერტო მანჩინის შემდეგ ის მეხუთე მწვრთნელია, რომელსაც ასეთი პატივი ხვდა წილად.

კონტემ ამასთან დაკავშირებით კომენტარი გააკეთა, მადლობა გადაუხადა იტალიის ფეხბურთის ფედერაციას დაფასებისთვის და ანდრეა პირლოსა და „იუვეზეც“ გააკეთა კომენტარი:

„პირლო ერთ-ერთი იმ მცირერიცხოვან ადამიანებს შორისაა ფეხბურთის სამყაროში, რომელთანაც ურთიერთობა ახლაც მაქვს, თან ოჯახით. ის განსაკუთრებული ადამიანია. სასიამოვნო იყო მისი მწვრთნელობა, როცა ყველას ეგონა, რომ მისი კარიერა დასრულებულები გახლდათ, როცა „მილანი“ დატოვა. ის იყო ერთ-ერთი, ვინც ყველაზე მეტად დამეხმარა ბუფონთან და დელ პიეროსთან ერთად „იუვეში“ გუნდური სულისკვეთების ჩამოყალიბებაში. ისინი გაუძღვნენ ახალგაზრდა ბიჭებს, რითაც პირველი სკუდეტო მოიგეს და „იუვენტუსში“ გამარჯვებების ციკლი გახსნეს“, – თქვა კონტემ.

შეგახსენებთ, რომ ანტონიო კონტე „იუვენტუსს“ 2011-2014 წლებში ავარჯიშებდა, ხოლო 1991-2004 წლებში ტურინულ კლუბში თამაშობდა.

შემთხვევითი სიახლე

“იუვენტუსმა” იანვარში შესაძლოა დანიელი მცველი დაიმატოს

ტურინის „იუვენტუსმა“ შესაძლოა ბერგამოს „ატალანტასა“ და დანიის ნაკრების განაპირა მცველი იოაკიმ მაეჰლე დაიმატოს. 25 წლის …

რაბიო: “შეიძლება “იუვეში” დავრჩე ან წავიდე, ჯერ დრო მაქვს”

ტურინის „იუვენტუსის“ ფეხბურთელმა ადრიენ რაბიომ ფრანგულ მედიასთან თავის მომავალზე ისაუბრა და აღნიშნა, რომ არაფერს გამორიცხავს …