“იუვემ” სერია A-ში სტუმრად 3 ბურთით 2021 წლის შემდეგ პირველად მოიგო

ტურინის „იუვენტუსმა“ სერია A-ში სამბურთიანი სხვაობით გასვლაზე 2021 წლის შემდეგ პირველად მოიგო.

„ბებერმა ქალბატონმა“ სალერნოში „სალერნიტანას“ 3:0 აჯობა და მანამდე ასეთი სხვაობით სტუმრად 2021 წლის მაისში ბოლონიაში ჰქონდა მოგებული – 4:1. სხვათა შორის, ეს იყო ანდრეა პირლოს ხელმძღვანელობით ბოლო თამაში.

თავის მხრივ, ალეგრის ხელმძღვანელობით „იუვემ“ გასვლაზე 3 ბურთით 2019 წლის თებერვლის შემდეგ პირველად მოიგო, როცა „სასუოლო“ მაშინ 3:0 დაამარცხა.

აქვე ვთქვათ, რომ სერია A-ს მიმდინარე სეზონში „იუვენტუსმა“ სტუმრად ერთ მატჩში ერთზე მეტი გოლი პირველად გაიტანა.