მთავარი / სიახლეები / სერია A / ვლაჰოვიჩი: “ჯერ 100%-ით მზად არ ვარ, დი მარია ფანტასტიკური ფეხბურთელია”

ვლაჰოვიჩი: “ჯერ 100%-ით მზად არ ვარ, დი მარია ფანტასტიკური ფეხბურთელია”

ტურინის „იუვენტუსის“ თავდამსხმელმა დუშან ვლაჰოვიჩმა „სასუოლოსთან“ მატჩის (3:0) შემდეგ კომენტარი გააკეთა. სერბმა ფორვარდმა სეზონი დუბლით გახსნა და ანხელ დი მარიაზე ბევრი ისაუბრა.

„მთელი ზაფხული ვმუშაობდი, მაგრამ ჯერ 100%-ით მზად არ ვარ. ვმუშაობ იმისთვის, რომ მაქსიმუმს მივაღწიო, მაგრამ არცთუ მარტივი პრობლემა მქონდა. დი მარიასთან თამაში? წარმოუდგენელი გრძნობაა, დიდი სიამოვნებაა. მადლობას ვუხდი მას პასისთვის, იმედი მაქვს, კიდევ ბევრ პასს გამიკეთებს და ბევრს გავიტან. ვფიქრობ, ერთად კარგად ვმუშაობთ, მაგრამ მთავარია გუნდმა კარგად იმუშაოს და მოიგოს, თუმცა, მან შესანიშნავი თამაში ჩაატარა.

კოსტიჩსაც კარგად ვეწყობი, ვიცნობ, ნაკრებში ერთად ვთამაშობთ, მაგრამ მთლიანობაში ყველას კარგად ვუგებ, ჩვენ კარგი გუნდი ვართ, გასახდელში შესანიშნავი ატმოსფეროა. ჯერ მხოლოდ დასაწყისში ვართ, გვინდოდა გამარჯვებით დაგვეწყო, ახლა წინ მშვიდად მივდივართ“, – თქვა ვლაჰოვიჩმა.

შეგახსენებთ, რომ „იუვენტუსი“ მეორე ტურში 22 აგვისტოს, სტუმრად გენუის „სამპდორიას“ დაუპირისპირდება.

შემთხვევითი სიახლე

ანტონიო კონტე ტურინში შენიშნეს, მას “იუვეს” უკავშირებენ

იტალიელი ჟურნალისტი ტანკრედი პალმერი იტყობინება, რომ ანტონიო კონტეს „იუვენტუსის“ მთავარ მწვრთნელად განიხილავენ. კონტე ორი დღის …

რანიერი: “იუვეს” ფეხბურთელებს თამაშის სიხარული არ აქვთ”

„იუვენტუსის“ შესახებ კომენტარი კლაუდიო რანიერიმ გააკეთა და განაცხადა, რომ ფეხბურთელებს თამაშის სიხარული არ ეტყობათ. „რაც …