მთავარი / სიახლეები / დონარუმამ და ლოკატელიმ ალეგრის “იუვეში” დაბრუნების პოსტები მოიწონეს

დონარუმამ და ლოკატელიმ ალეგრის “იუვეში” დაბრუნების პოსტები მოიწონეს

ტურინის „იუვენტუსს“ ჯანლუიჯი დონარუმასა და მანუელ ლოკატელის აქტიურად უკავშირებენ. Sportmediaset-ი წერს, რომ მასიმილიანო ალეგრის დაბრუნების შემდეგ დონარუმას ტრანსფერის ალბათობა კიდევ უფრო გაიზარდა.

22 წლის მეკარე „მილანს“ თავისუფალი აგენტის სტატუსით ტოვებს და ეს უკვე გადაწყვეტილია. „იუვეს“ კონკურენტი „ბარსელონაა“, მაგრამ ტურინული გუნდი ბრძოლაში წინ რჩება.

აღსანიშნავია, რომ ჯანლუკა დი მარციოს პოსტი ინსტაგრამში, რომელიც ალეგრის „ბებერ ქალბატონში“ დაბრუნებას ეხებოდა, დონარუმამ მოიწონა, რამაც მისი „იუვეში“ გადასვლის ჭორები კიდევ უფრო გააღვივა.

ცნობილი გვერდის, 433-ის ინსტაგრამ პოსტი ასევე ალეგრის ტურინში დაბრუნებაზე კი მანუელ ლოკატელიმ დაალაიქა. იტალიელი ნახევარმცველის შეძენას დიდი ხანია „იუვენტუსი“ ცდილობს.

ფაქტია, წინ საინტერესო ზაფხულია და იტალიელი ფეხბურთელები ტურინელთა მთავარი სამიზნეები არიან.

შემთხვევითი სიახლე

მანჩინი: “დროა ხალხი გავაბედნიეროთ”

იტალიის ნაკრების მთავარმა მწვრთნელმა რობერტო მანჩინიმ თურქეთის ნაკრებთან შეხვედრის წინ პრესკონფერენეცია გამართა და ევრო 2020-ის …

დელ პიერო: “არ მინდა “იუვეში” მხოლოდ იმიტომ დამაბრუნონ, რომ ძველი დამსახურებები მაქვს”

ტურინის „იუვენტუსის“ ლეგენდარულმა ფეხბურთელმა ალესანდრო დელ პიერომ იტალიური მედიასთან ისაუბრა. ალექსი სხვადასხვა საკითხებს შეეხო და …