დი მარია: “ნანტში მომდევნო ეტაპის საგზურისთვის წავალთ”

ტურინის „იუვენტუსის“ ფეხბურთელმა ანხელ დი მარიამ „სპეციასთან“ მატჩის (2:0) შემდეგ კომენტარი გააკეთა. როგორც მან აღნიშნა, ნანტში მხოლოდ ერთი მიზნით ითამაშებენ – მომდევნო ეტაპზე გასასვლელად.

„ყოველთვის მინდა გუნდს დავეხმარო, მაშინაც კი, სათადარიგო სკამიდან შევიდვარ. ძალიან ბედნიერი ვარ გოლით, „ნანტთან“ მატჩის შემდეგ მინდოდა გოლი გამეტანა.

ძალიან გაგვიჭირდა? შეიძლება ცოტა დაღლილობა იყოს, იტალიის ჩემპიონატში ბევრი თამაშობს კონტრშეტევაზე. ვცდილობთ თავი ავწიოთ და უკეთ ვითამაშოთ. ევროპა ლიგა? ნანტში მომდევნო ეტაპზე გასასვლელად წავალთ. პირველ მატჩში მეტი დავიმსახურეთ, მაგრამ ვეცდებით, კვალიფიკაციის საკითხი წარმატებით საპასუხო შეხვედრაში გადავჭრათ“, – თქვა დი მარიამ.

შეგახსენებთ, რომ „იუვენტუსმა“ ამ გამარჯვებით 32 ქულა დააგროვა და მეშვიდე ადგილზე აღზევდა, თუმცა, მომდევნო პოზიციებთან უკვე 9-ქულიანი ჩამორჩება. მასიმილიანო ალეგრის გუნდმა სერია A-ში ზედიზედ მესამე თამაში მოიგო, მომდევნო ტურში კი 28 თებერვალს, „ტორინოს“ უმასპინძლებს, თუმცა მანამდე ევროპა ლიგაზე გასვლაზე „ნანტს“ დაუპირისპირდება.