გატი: “მწვრთნელმა შანსი მომცა, ვცდილობ, რომ ყოველთვის მზად ვიყო”

ტურინის „იუვენტუსის“ მცველმა ფედერიკო გატიმ „ფრაიბურგთან“ მატჩის (2:0) შემდეგ კომენტარი გააკეთა. როგორც მან თქვა, ცდილობს 110%-ით დაიხარჯოს და ყოველთვის მზად იყოს.

„მწვრთნელმა დიდი შანსი მომცა. ვცდილობ 110%-ით დავიხარჯო და ძალიან ბედნიერი ვარ, განსაკუთრებით მომდევნო ეტაპზე გასვლისთვის. მიხარია დუშანის გამო, რომელიც კარგად თამაშობს და დღეს გოლი გაიტანა, ეს თავდაჯერებისთვის დაეხმარება.

აქ ვიზრდები, ეს არ არის მარტივი გზა, მაგრამ ყოველთვის მზად უნდა ვიყო. ჩვენთვის მნიშვნელოვანი იყო ამ ტურნირის მომდევნო ეტაპზე გასვლა, ახლა კი ენერგია „ინტერთან“ მატჩისთვის უნდა აღვიდგინოთ“, – თქვა გატიმ.

შეგახსენებთ, რომ „იუვენტუსი“ მეოთხედფინალში მეტოქეს 17 მარტს წილისყრით შეიტყობს, ხოლო მომდევნო მატჩს 19 მარტს, სტუმრად „ინტერთან“ ჩაატარებს.