მთავარი / სიახლეები / ბუფონი: “კალჩოპოლში სხვა გუნდებიც იყვნენ, მაგრამ საფასური მხოლოდ “იუვეს” გადაახდევინეს”

ბუფონი: “კალჩოპოლში სხვა გუნდებიც იყვნენ, მაგრამ საფასური მხოლოდ “იუვეს” გადაახდევინეს”

ჯანლუიჯი ბუფონმა 2006 წლის კალჩოპოლის სკანდალზე ისაუბრა. როგორც მან თქვა, მაშინ საფასური მხოლოდ „იუვენტუსს“ გადაახდევინეს, მიუხედავად იმისა, რომ ამ სკანდალში სხვა გუნდებიც მონაწილეობდნენ.

„კალჩოპოლის პერიოდი ნამდვილად ძალიან ცუდად მახსენდება. საფასური „იუვემ“ გადაიხადა, მაგრამ მასში სხვა კლუბები და სხვა მენეჯერებიც იყვნენ ჩართული. მსოფლიოს ჩემპიონობის შემდეგ გადავწყვიტე კლუბისა და „იუვეს“ გულშემატკივრებისთვის მადლობა გადამეხადა სერია B-ში დარჩენით, ამ არჩევნის უკან ბევრი რამ იდგა. სწორედ ამიტომ, „იუვენტუსში“ ჩემი საუკეთესო გამარჯვება კონტესთან ერთად მოგებული პირველი სკუდეტო იყო. ამ წარმატებამ 2006 წლის არჩევანს მნიშვნელობა შესძინა“, – თქვა ბუფონმა.

შეგახსენებთ, რომ 2006 წელს „კალჩოპოლის“ სკანდალის შედეგად „იუვენტუსი“ სერია B-ში დააქვეითეს და 17 ქულა დააკლეს, მაგრამ გუნდმა ამის მიუხედავად უმალვე მოახერხა ელიტაში დაბრუნება. სკანდალში მაშინ სხვა გუნდებიც იყვნენ გარეულნი, მათ შორის „მილანი“, „ფიორენტინა“ და „ლაციო“, მაგრამ სამივე გუნდის შემთხვევაში სასჯელი მსუბუქი იყო, სერია A-ში ქულების დაკლება.

შემთხვევითი სიახლე

ანტონიო კონტე ტურინში შენიშნეს, მას “იუვეს” უკავშირებენ

იტალიელი ჟურნალისტი ტანკრედი პალმერი იტყობინება, რომ ანტონიო კონტეს „იუვენტუსის“ მთავარ მწვრთნელად განიხილავენ. კონტე ორი დღის …

რანიერი: “იუვეს” ფეხბურთელებს თამაშის სიხარული არ აქვთ”

„იუვენტუსის“ შესახებ კომენტარი კლაუდიო რანიერიმ გააკეთა და განაცხადა, რომ ფეხბურთელებს თამაშის სიხარული არ ეტყობათ. „რაც …