მთავარი / სიახლეები / არივაბენე დიბალაზე: “მინდა ხასიათი, მონდომება და გამარჯვების სურვილი დავინახო”

არივაბენე დიბალაზე: “მინდა ხასიათი, მონდომება და გამარჯვების სურვილი დავინახო”

ტურინის „იუვენტუსის“ გენერალურმა დირექტორმა მაურიციო არივაბენემ ფედერიკო კიეზას შესაძლო შემცვლელსა და პაულო დიბალაზე კომენტარი გააკეთა. როგორც მან აღნიშნა, სურს დაინახოს ხასიათი, მონდომება და გამარჯვების სურვილი.

“კიეზას შემცვლელი? დიდი ფეხბურთელები გვყავს. მორატა, კაიო ჟორჟე, დიბალა, კინი და კულუშევსკი არიან შეტევაში. ახლა, ჩვენ საუკეთესოს ველით მათგან, ვინც გვყავს, შემდეგ სიტუაციას შევაფასებთ.

დიბალასთან ახალი დაპირისპირება? მე არავის ვუპირისპირდები. მხოლოდ იმას ვამბობ, რასაც ვფიქრობ. რაც დიბალაზე ვთქვი, ეხება „იუვენტუსის“ ყველა ფეხბურთელს. მინდა დავინახო ხასიათი, მონდომება, გამარჯვების სურვილი. ამასთან, ვისაც „იუვენტუსის“ 10 ნომერი აცვია, უნდა იცოდეს, რამდენად იწონის ეს მაისური“, – თქვა არივაბენემ.

აქვე გეტყვით, რომ ბოლო ცნობებით, პაულო დიბალა განაწყენებულია და კლუბის დატოვებას უკვე სერიოზულად ფიქრობს.

შემთხვევითი სიახლე

“იუვენტუსის” ფანების ბანერი “სან სიროზე: “ანიელი, მოკვდი”

ტურინის „იუვენტუსის“ ულტრასებსა და კლუბის ხელმძღვანელობას შორის დიდი ხანია დაძაბული ურთიერთობაა. უკვე კარგა ხანია, Curva …

“არსენალს” არტურის გადაბირება სურს

ლონდონის „არსენალი“ ტურინის „იუვენტუსის“ ნახევარმცველის, არტურის გადაბირებას ცდილობს. ამის შესახებ იტალიური მედია იტყობინება. „მეთოფეები“ მუშაობენ, …