ტურინის „იუვენტუსის“ მცველმა ლეონარდო ბონუჩიმ „ინტერთან“ შეხვედრაში მილანური გუნდის გენერალურ მდივან კრისტიანო მოცილოსთან იჩხუბა.
ბონუჩი, რომელიც პენალტების სერიისთვის თამაშში ჩასართავად ემზადებოდა, სანჩესის მიერ ბოლო წუთზე გატანილი გოლითა და „ინტერის“ წარმომადგენელის ემოციური ზეიმით გაბრაზდა.
ლეო მას ხელით შეეხო და იტალიური მედიის ცნობით, დაემუქრა კიდეც: „ჩემს სახეში ნუ ზეიმობ, ნაბიჭვ***! მოგკლავ!“, – უთხრა მას ბონუჩიმ და შელაპარაკების კადრები ტელეკამერებმაც დააფიქსირეს.
როგორც იტალიელი ჟურნალისტები წერენ, სადისციპლინო კომიტეტი ინციდენტს განიხილავს და შესაძლოა 34 წლის მცველს რამდენიმე მატჩიანი დისკვალიფიკაცია გამოუწერონ.