მადრიდის „რეალის“ მთავარი მწვრთნელი ზინედინ ზიდანი „ლივერპულთან“ მატჩის შემდეგ Sky Sport-ის ეთერში ჩაერთო და ალესანდრო დელ პიეროს ესაუბრა. მან ტურინში დაბრუნება მომავალში არ გამორიცხა.
„იტალიაც მენატრება და დელ პიეროც. იტალია ჩემს გულშია, ტურინში 5 წელი გავატარე და „იუვე“ ჩემთვის ისევ მნიშვნელოვანია. მომავალი „იუვეში“? არ ვიცი, ახლა აქ ვარ, ვნახოთ“, – თქვა ზიდანმა.
შეგახსენებთ, რომ ზინედინ ზიდანი „იუვენტუსში“ 1996-2001 წლების სეზონში თამაშობდა.