მთავარი / სიახლეები / ვუჩინიჩი: “შეუძლებელი არაფერია, ბოლომდე უნდა გვჯეროდეს!”

ვუჩინიჩი: “შეუძლებელი არაფერია, ბოლომდე უნდა გვჯეროდეს!”

ტურინის „იუვენტუსის“ თავდამსხმელ მირკო ვუჩინიჩს Tuttojuve გაესაუბრა და მცირე ინტერვიუც ჩაწერა. მონტენეგროელი ფორვარდის განცხადებით, ტურინში გატარებული პერიოდი ძალიან ენატრება.

გარდა ამისა, ვუჩინიჩმა ისაუბრა ანტონიო კონტეს, მასიმილიანო ალეგრისა და ჯორჯო კიელინის შესახებ:

– გენატრებათ „იუვენტუსი“?

– ძალიან.

– გაივლის „იუვე“ ჩემპიონთა ლიგის მერვედფინალს?

– შეუძლებელი არაფერია. მნიშვნელოვანია, რომ ბოლომდე გვჯეროდეს.

– იქნებით თამაშზე?

– სამწუხაროდ, არა, მაგრამ ყოველთვის ბოლომდე ვუქომაგებ.

– თქვენი რჩეული თანაგუნდელი?

– ანდრეა პირლო.

– მცველი, რომლის წინააღმდეგ თამაში ყველაზე რთულია?

– ჯორჯო კიელინი. თამაშებზე, ვარჯიშებზე, ყველგან პირველი ნომერია.

– რას ფიქრობთ კრიშტიანუ რონალდუზე?

– ძალიან ძლიერია.

– ანტონიო კონტე?

– ნამდვილი გამარჯვებული!

– და ალეგრი?

– გამარჯვებული გზის გაგრძელება ადვილი არაა, „იუვე“ მასთან ერთად ჩემპიონთა ლიგაზეც კარგად ასპარეზობს. ჩემი აზრით, ერთ-ერთი საუკეთესო მწვრთნელია.

– „იუვენტუსიდან“ საუკეთესო მოგონებები რა არის?

– ძალიან ბევრია! გამარჯვებები, მეგობრები და ახალი ძმები.

შემთხვევითი სიახლე

ალეგრი: “ფაჯოლი არ არის დამნაშავე, ყველანი დამნაშავეები ვართ”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მარცხის (0:1) შემდეგ კომენტარი გააკეთა. როგორც მან განაცხადა, …

ალეგრი: “სოუზას კომენტარს პატივისცემა აკლდა”

ტურინის „იუვენტუსის“ მთავარმა მწვრთნელმა მასიმილიანო ალეგრიმ „სასუოლოსთან“ მატჩის წინ პრესკონფერენცია გამართა. როგორც იტალიელმა სპეციალისტმა აღნიშნა, …