ვან დერ სარი: “იუვეს” დე ლიხტის ყიდვა უნდა”

ამსტერდამის „აიაქსის“ გენერალურმა დირექტორმა ედვინ ვან დერ სარმა დაადასტურა, რომ „იუვენტუსი“ მატის დე ლიხტის შეძენითაა დაინტერესებული. ამის შესახებ „იუვეს“ ყოფილმა მეკარემ Rai Sport-ს განუცხადა:

„დე ლიხტი „იუვენტუსში“? მხოლოდ ის შემიძლია გითხრათ, რომ ეს ერთადერთი იტალიური გუნდია, რომელსაც მისი შეძენა უნდა. მაგრამ, არ ვიცი, გადავა თუ არა დე ლიხტი „იუვენტუსში“, – განაცხადა ვან დერ სარმა.

შეგახსენებთ, რომ „აიაქსისა“ და „რეალის“ შეხვედრას ფაბიო პარატიჩი დაესწრო და სწორედ დე ლიხტის თამაშს აკვირდებოდა. 19 წლის ჰოლანდიელი ამ დროისთვის დაახლოებით 70 მილიონ ევროდ ფასობს.