უპრეცედენტო შემთხვევა: “იუვენტუსი” საკუთარ სასტუმროს ხსნის

ტურინის „იუვენტუსი“ კონტინასაში სასტურმოს ხსნის – J Hotel. როგორც იტალიური მედია იტყობინება, სასტურმო 24 აგვისტოდან სტუმრების მიღებასაც მოახერხებს.

ეს იქნება პირველი სასტუმრო იტალიაში, რომელიც საფეხბურთო კლუბთან იქნება ასოცირებული. J Hotel განკუთვნილი იქნება ფეხბურთელებისთვისაც, რომელთაც სურვილისამებრ შეეძლებათ სასტუმროში დარჩენა. მაგალითად, რაბიოსა და რემზის, რომლებიც ტურინში სახლის ძიებაში არიან. აქვე იცხოვრებს მაურიციო სარიც, რომელსაც ბაზასთან რაც შეიძლება ახლოს ყოფნა სურს. სასტურმო „ალიანც სთედიუმიდან“ 600 მეტრში მდებარეობს.

სასტუმროს ვებგვერდზე 24 აგვისტოდან ნომრების დაჯავშნა უკვე შესაძლებელია და ერთი ღამე 116 ევრო ღირს. ოთხვარსკვლავიან სასტუმროს 138 ნომერი აქვს, 11 200 კვადრატია, რომელიც მოიცავს სპაცენტრს, საკონფერენციო დარბაზებსა და 200 კაციან რესტორანს.

სასტუმრო შეავსებს კონტინასას ძველ ტერიტორიას, რომელიც 2013 წელს მუნიციპალიტეტეს 99 წლით გადაეცა.