ტარდელი: “სარის “იუვე”? მოთმინებაა საჭირო”

1982 წლის მსოფლიო ჩემპიონმა და ტურინის „იუვენტუსის“ ყოფილმა ფეხბურთელმა მარკო ტარდელიმ Tuttojuve-ს ინტერვიუ მისცა, რომელშიც საინტერესო საკითხებზე ისაუბრა.

ვეტერანი ფეხბურთელის განცხადებით, მაურიციო სარის დრო სჭირდება, რომ „იუვენტუსში“ თავისი იდეები დანერგოს.

– „ინტერი“ ლიდერია. გიკვირთ?

– კონტე გარანტიაა, უფრო მეტი კარგი ტრნასფერით სკუდეტოსთვის ბრძოლა შეეძლო.

– „იუვეს“ სარის ხელი ნაკლებად ეტყობა?

– ალეგრის აკრიტიკებდნენ თამაშის სტილის გამო, მე ეს არ მესმოდა, რადგან მაქსი კარგი მწვრთნელია, რომელმაც კარგად იცის როგორ მოარგოს თავისი იდეები გუნდის შემადგენლობას. სარის შემთხვევაში კი, საჭიროა მოთმინება.

– ჩემპიონთა ლიგაზე უფრო რთული იქნება წარმატება?

– ეს რონალდუზე იქნება დამოკიდებული. 34 წლისაა, მაგრამ ერთადერთი. აბსურდია იმაზე ფიქრი, რომ მისი დრო წავიდა.

– „ინტერსა“ და „იუვენტუსს“ შორის ვის უფრო ძლიერი შეტევის ხაზი ჰყავს?

– ერთი მხრივ ეს პარადოქსია: საუკეთესოები დიბალა და იგუაინი არიან, რომელთა გაყიდვას გუნდი ზაფხულში ცდილობდა. მეორეს მხრივ ლაუტარო და ლუკაკუ, ციფრები ამას ამბობენ.

– ბუფონმა „სასუოლოსთან“ შეცდომა დაუშვა, ის 41 წლისაა…

– ფიზიკურად და ტექნიკურად არ არსებობს კითხვები. შეცდომები ხდება, ასაკისდა მიუხედავად.

– მესიმ მეექვსე „ოქროს ბურთი“ მოიგო…

– მე ავირჩევდი სალაჰს.

– ვინ არის ახალი ტარდელი?

– მომწონს ბარელა და იმედია არ განაწყენდება (იღიმის). თუმცა, არავინ არ მგავდა ისე, როგორც მარკიზიო.