ტალიაფიკოს აგენტი: “მარსელო “იუვენტუსში” გადადის”

ამსტერდამის „აიაქსის“ მარცხენა მცველი ნიკოლას ტალიაფიკო მადრიდის „რეალის“ ინტერესის სფეროშია. ამის შესახებ არგენტინელი ფეხბურთელის აგენტმა რიკარდო შლიპერმა განაცხადა.

ეს ინფორმაცია „იუვესთან“ კავშირშია, რადგან შლიპერი ამბობს, რომ მარსელო „იუვენტუსში“ გადადის.

„ვიცი, რომ ჩემი კლიენტის სახელი „რეალის“ სიაშია, რადგან ამბობენ, რომ მარსელო „იუვენტუსში“ გადადის“, – თქვა შლიპერმა.

შეგახსენებთ, რომ ბრაზილიელი მარცხენა მცველის „იუვეში“ შესაძლო გადაბარგების შესახებ ავტორიტეტული გამოცემები უკვე კარგა ხანია ინტენსიურად წერენ.