სკონჩერტი: “იუვენტუსმა” რონალდუს გარეშე უკეთესად ითამაშა”

იტალიელი საფეხბურთო ექსპერტი მარიო სკონჩერტი მიიჩნევს, რომ „იუვენტუსმა“ კრიშტიანუ რონალდუს გარეშე უკეთესად ითამაშა.

„იუვენტუსი“ ხშირად რისკავდა, მაგრამ ალბათ ეს იყო სეზონის ყველაზე ნაყოფიერი თამაში. დიბალა ახლოს იყო გოლის გატანასთან და რონალდუს გარეშე ნორმალურად ითამაშა.

კრიშტიანუს არყოფნაში გუნდის თამაში გაუმჯობესდა, ყველა ერთმანეთისთვის თამაშობდა. ეს არის „იუვე“, რომელმაც კარგად თამაში დაიწყო. მომენტებს ადვილად ქმნიდა, მაგრამ მეტოქესაც უტოვებდა ზონებს“, – თქვა სკონჩერტიმ.

შეგახსენებთ, რომ რონალდუმ „ბრეშასთან“ ტრავმის გამო ვერ ითამაშა. მაურიციო სარიმ კი 4-3-3 ტაქტიკური სქემა 4-3-1-2-ით შეცვალა და საყოველთაო მოწონება დაიმსახურა.