fbpx
მთავარი / სიახლეები / შეფასებები: ორსახოვანი კანსელუ და საუკეთესო რუგანი

შეფასებები: ორსახოვანი კანსელუ და საუკეთესო რუგანი

ტურინის „იუვენტუსი“ ჩემპიონთა ლიგის პირველ მეოთხედფინალურ მატჩში ამსტერდამში „აიაქსს“ დაუზავდა (1:1). გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6.5 – უსაფრთხოებას უზრუნველყოფდა, ასაღები ბურთები აიღო, მაგრამ ნერეშის გოლზე არაფერი შეეძლო.

კანსელუ 5 – რონალდუზე პასი იდეალური იყო, მაგრამ არასწორად გააჩერა მეორე ტაიმის დასწყისში ბურთი და ეს გადამწყვეტი აღმოჩნდა. შეცდომა, რმელიც ძვირად დაუჯდა და ნერეშმა გაიტანა. კანსელუს ამ თამაშში ორი სახე ჰქონა.

რუგანი 7 – ეს იყო მისი გამოცდა, რომელიც მაღალ ქულაზე ჩააბარა. დასწრებაზე ნამდვილი დომინანტი იყო.

ბონუჩი 6 – „აიაქსი“ ცდილობდა მისი ზონა დაენგრია, ზოგჯერ გამოუვიდა, მაგრამ მთლიანობაში არა.

ალექს სანდრო 6 – კვლავ ძალიან ბევრი ბურთი დაკარგა.

ბენტანკური 6.5 – ალეგრიმ მატჩის წინ თქვა, რომ მის დინამურობას შესაძლოა განსხვავება მოეტანა და ასეც მოხდა. ბევრი ბურთი მოიპოვა და საგოლე შეტევაც მან დაიწყო.

პიანიჩი 5.5 – თამაშს უბურთოდაც ხელძმღვანელობდა. თუმცა, საბოლოო ჯამში ჰოლანდიელთა ზეწოლის ქვეშ მოექცა.

მატუიდი 6 – მისი ელასტიური თამაში „იუვეს“ ძალიან დაეხმარა. შემდეგ კუნთის დაზიანება მიიღო.

დიბალა შ.გ – არგენტინელმა ბოლო 15 წუთი ითამაშა.

ბერნარდესკი 6 – მოედნის ბოლო 30 მეტრში ცივსისხლიანობა ისევ აკლია. დანარჩენ დავალებას იდეალურად ასრულებს.

ხედირა შ.გ – გერმანელმა თამაშში ნორმალურად ჩართვა ვერც მოასწრო.

მანჯუკიჩი 5 – უშედეგო მუშაობა.

დუგლას კოშტა 6.5 – როგორც იქნა, ორთვიანი პაუზის მერე დაბრუნდა და შესანიშნავად. შეეძლო თითქმის კვალიფიცირების გოლიც გაეტანა, მაგრამ ბურთი ძელს მოხვდა.

რონალდუ 7 – ბურთს იშვიათად ეხებოდა, მაგრამ მთავარი სიტყვა თქვა. გაიხსნა, მიიღო, გაანწილა და გაიტანა. აბსოლუტური ჩემპიონის თამაში იყო გოლის ეპიზოდში.

შემთხვევითი სიახლე

მედია: მანჯუკიჩი ტრავმირებული არაა, ალეგრისთან კონფლიქტი აქვს

მარიო მანჯუკიჩსა და მასიმილიანო ალეგრის შორის კონფლიქტია. აღნიშნულ ინფორმაციას იტალიური მედია ავრცელებს. მანჯუკიჩს „აიაქსთან“ თამაში …