მთავარი / სიახლეები / შჩესნის რჩევა რემზის: “იუვე” თუ გეპატიჟება, უარს ვერ იტყვი”

შჩესნის რჩევა რემზის: “იუვე” თუ გეპატიჟება, უარს ვერ იტყვი”

ტურინის „იუვენტუსის“ მეკარემ ვოიცეხ შჩესნიმ აარონ რემზის შესახებ ისაუბრა, რომელიც ლონდონის „არსენალში“ მისი თანაგუნდელი იყო, ახლა კი მომდევნო სეზონიდან „იუვეში“ იქნება.

„რემზი? აქ სამკურნალოდ ჩამოვიდა, რადგან მსოფლოში საუკეთესო ფიზიოთერაპევტები გვყავს. ჩვენთვის ის შესანიშნავი შენაძენია, ხარისხიანი ნახევარმცველი, შეუძლია ბევრი გოლის გატანა და საგოლე პასების გაკეთება, როდესაც ფიზიკურად კარგადაა, ერთ-ერთი საუკეთესო ნახევარმცველია.

საყრდენი თუ გამთამაშები? მისი პოზიცია მწვრთნელის გადასაწყვეტი იქნება, მაგრამ მე მარჯვენა მცველადად მინახავს მისი თამაში და თავს ძალიან კარგად იცავს. რემზიმ მთხოვა ამეხსნა რა მოხდა ალეგრისთან მიმართებაში, მაგრამ ნებისმიერ შემთხვევაში ის ჩვენთან თამაშს ახალი მწვრთნელით დაიწყებს.

სანამ კონტრაქტს გააფორმებდა, რჩევა მთხოვა და მე ვუთხარი: „ყველაფერი ნათელია, თუ „იუვე“ გეპატიჟება, არაფერი უნდა გააკეთო, გარდა თანხმობისა“. საბოლოოდ, ყველაფერი ასე მოხდა და გამოდის, რომ აარონმა ჩემი რჩევა გაითვალისწინა. მას 5 თვე ჰქონდა იტალიურის სასწავლად და ვახშამზე რამდენიმე სიტყვა თქვა კიდეც“, – თქვა შჩესნიმ.

შეგახსენებთ, რომ აარონ რემზი „იუვენტუსს“ 1-ლი ივლისიდან თავისუფალი აგენტის სტატუსით შეუერთდება.

შემთხვევითი სიახლე

რონალდუ ტრავმირებულია

კრიშტიანუ რონალდუმ ვილარ პეროზაში ტრადიციული წინასასეზონო საოჯახო სპარინგი გამოტოვა. როგორც „იუვენტუსის“ ვებგვერდი იტყობინება, პორტუგალიელს მარცხენა …

ჯონ ელკანი: “დარწმუნებული ვარ, სარი ლამაზი ფეხბურთისა და შედეგის შერწყმას მოახერხებს”

ტურინის „იუვენტუსმა“ ვილარ პეროზაში ტრადიციული ოჯახური ამხანაგური მატჩი ჩაატარა და „იუვეს“ მეორე გუნდს 3:1 აჯობა. …