ტურინის „იუვენტუსის“ მეკარემ ვოიცეხ შჩესნიმ იტალიის სუპერთასის მატჩამდე ერთი დღით ადრე ისაუბრა. პოლონელი კიპერი მიიჩნევს, რომ ტიტულის მოსაპოვებლად სრულყოფილი თამაშის ჩვენება იქნება საჭირო.
„სრულყოფილი მატჩის ჩატარებაა საჭირო. ვიცით, რომ „მილანს“ აქვს ხარისხიანი ელემენტები და მოწიფული გუნდია. ჩვენ კი მნიშვნელოვანი მენტალიტეტი გაგვაჩნია, ვიცით, ტიტულები როგორ მოვიგოთ. სტადიონი სავსე იქნება და ჩვენს ეს გვინდა. პაუზის შემდეგ თამაში ყოველთვის რთულია, რიტმი უფრო დაბალია, უნდა ვიყოთ ინტენსიურები და გოლი არ უნდა გავუშვათ“, – თქვა შჩესნიმ.
შეგახსენებთ, რომ „იუვენტუსისა“ და „მილანის“ შეხვედრა 16 იანვარს, თბილისის დროით 21:30 საათზე დაიწყება.