რემზი კონტრაქტს მიმდინარე კვირაში გააფორმებს

„იუვენტუსი“ აარონ რემზის გაფორმებასთან კიდევ უფრო ახლოსაა. Tuttosport-მა უკვე კონკრეტული თარიღიც დაასახელა, როდესაც უელსელი კონტრაქტს ხელს მოაწერს – 18 იანვარი.

წყაროს ცნობით, 28 წლის ფეხბურთელი „იუვესთან“ 5-წლიან კონტრაქტს დამდეგ პარასკევს გააფორმებს და სეზონში მისი ანაზღაურება 7.5 მილიონ ევროს გაუტოლდება.

ახლა ტურინელებს ერთი საკითხი დარჩათ მოსაგვარებელი – როდიდან შეეძლება რემზის „იუვეში“ თამაში? ტურინელებს უნდათ, რომ ეს მიმდინარე სეზონშივე მოხდეს, მაგრამ 20 მილიონის გაღება მოუწევთ, ხოლო თუ ზაფხულამდე მოითმენენ, მაშინ რემზი „იუვეს“ თავისუფალი აგენტის სტატუსით, უსასყიდლოდ შეუერთდება.