მთავარი / სიახლეები / სერია A / შჩესნი: “მინდა ყველაფერი მოვიგო”

შჩესნი: “მინდა ყველაფერი მოვიგო”

ტურინის „იუვენტუსის“ მეკარემ ვოიცეხ შჩესნიმ კლუბთან კონტრაქტის 2024 წლამდე გახანგრძლივების შემდეგ კომენტარი გააკეთა. პოლონელის განცხადებით ძალიან ბედნიერია, რადგან კლუბმა ნდობა გამოუცხადა.

„აღფრთოვანებული ვარ, რომ „იუვენტუსთან“ კონტრაქტი 2024 წლამდე გავახანგრძლივე. ბოლო წლებში ბევრს ვმუშაობდი, რომ გავმხდარიყავი ამ საოცარი და ისტორიული გუნდის პირველი ნომერი. ახლა მზად ვარ უფრო შორს ისტორიის დასაწერად.

შესანიშნავი გრძნობა დამეუფლა, რადგან ეს კლუბის მხრიდან ნდობის დემონსტრაციაა. ვეცდები ყოველთვის მაქსიმუმი გავიღო და ვცდილობ თავდაჯერებული და ზეწოლის გარეშე ვიყო მატჩებზე.

ყველაზე დასამახსოვრებელი სეივი? მხოლოდ ის მომწონს, როდესაც თამაშებს ვიგებთ, თუმცა გამოვარჩევ ტურინში „მილანთან“ მატჩის დროს პაშალიჩის დარტყმის მოგერიებას, ხოლო მიმდინარე სეზონიდან ალანის დარტყმის სეივს.

ჩემი მიზნები? მინდა ყველაფრის მოგება. მადლობა „იუვეს“ ქომაგებს ყველაფრისთვის რაც მომცეს“, – თქვა შჩესნიმ.

შემთხვევითი სიახლე

მატუიდი: “იუვენტუსში” კიდევ ერთი სეზონით ვრჩები”

ტურინის „იუვენტუსის“ ნახევარმცველი ბლეზ მატუიდი გუნდში რჩება. ფრანგს კონტრაქტი მიმდინარე სეზონის ბოლოს ეწურება და მის …

“იუვე” – “ინტერი” შესაძლოა უმაყურებლოდ ან ნეიტრალურ სტადიონზე გაიმართოს

იტალიის სერია A-ს 26-ე ტურის მთავარი მატჩი „იუვენტუსსა“ და „ინტერს“ შორის შესაძლოა უმაყურებლოდ ან ნეიტრალურ …