ტურინის „იუვენტუსი“ დანიელე რუგანის ნდობას უცხადებს და კონტრაქტს გაუხანგრძლივებს. იტალიური მედიის ინფორმაციით, ორივე მხარე შეთანხმდა: რუგანი ხელშეკრულებას 2023 წლის ზაფხულამდე გაახანგრძლივებს და სეზონში 3 მილიონ ევროს გამოიმუშავებს.
„იუვემ“ რუგანის „რომაში“ ან „ჩელსიში“ გასხვისებაზე უკვე თქვა უარი. მიუხედავად იმისა, რომ დანიელე ტურინელთა ძირითად შემდგენლობაში იშვიათად ხვდება, ორივე მხარე მომავალს იმედის თვალით უყურებს.
2019 წლის ზაფხულში „იუვეს“ ანდრეა ბარძალისა და მეჰდი ბენატიას დაემშვიდობება, ხოლო 24 წლის ფეხბურთელის გაყიდვა ტურინელთა გეგმებში არ შედის. მიმდინარე სეზონში რუგანიმ 5 მატჩში მიიღო მონაწილეობა.