მთავარი / სიახლეები / კლოპი: “იუვენტუსი” ჩემპიონთა ლიგის მთავარი ფავორიტია”

კლოპი: “იუვენტუსი” ჩემპიონთა ლიგის მთავარი ფავორიტია”

ინგლისური „ლივერპულის“ მთავარმა მწვრთნელმა იურგენ კლოპმა განაცხადა, რომ „იუვენტუსი“ ჩემპიონთა ლიგის მთავარი ფავორიტია და მასთან მერვედფინალში თამაში არ სურდა.

„გულახდილი ვიქნები – მერვედფინალში ორ გუნდთან თამაში არ მინდოდა. პირველი „დორტმუნდია“, რომელთანაც ასე ადრე თამაში არ მინდოდა და თუ ეს აუცილებლად უნდა მოხდეს, მირჩევია, რაც შეიძლება შორს.

მეორე „იუვენტუსია“ – ჩემთვის ეს გუნდი ტურნირის მთავარი ფავორიტია. ძალიან გამოცდილია და თუ მათი ფეხბურთელების ასაკს შევხედავთ, ეს შესაძლოა ბოლო შანსიც იყოს. განსაკუთრებით მცველებისთვის, რომელთაც არ სურთ ბოლო შანსის ხელიდან გაშვება. ნამდვილად ურთულესი იქნება „იუვენტუსის“ დამარცხება.

დანარჩენ მეტოქეებთან პრობლემა არ მქონია, „ბაიერნი“ შეგვხვდა და ვფიქრობ პოზიტიური წილისყრა იყო“, – აღნიშნა კლოპმა.

შეგახსენებთ, რომ „იუვენტუსი“ მერვედფინალში „ატლეტიკოს“, ხოლო კლოპის „ლივერპული“ მიუნხენის „ბაიერნს“ დაუპირისპირდება.

შემთხვევითი სიახლე

ესპანური მედია: “იუვენტუსს” ჟორდი ალბას ტრანსფერი სურს

ტურინის „იუვენტუსი“ მომდევნო სეზონისთვის მარცხენა მცველს ეძებს, რადგან ალექს სანდროს კონტრაქტი ეწურება და მასთან თანამშრომლობის …

“იუვენტუსში” სექტემბრის MVP მატია პერინი გახდა

ტურინის „იუვენტუსის“ სექტემბრის საუკეთესო ფეხბურთელად მატია პერინი დასახელდა. იტალიელმა მეკარემ ფანებისგან ყველაზე მეტი ხმა მიიღო …