კაპელო: “იუვეს” “ატლეტიკოს” დასამარცხებლად ხარისხი აქვს”

ლეგენდარულმა იტალიელმა სპეციალისტმა ფაბიო კაპელომ „იუვენტუსისა“ და მადრიდის „ატლეტიკოს“ დაპირისპირების შესახებ ისაუბრა. კაპელოს თქმით, „იუვეს“ შეუძლია ესპანური გუნდის დამარცხება.

„იტალიური გუნდების მეტოქეებს შეუძლიათ პრობლემების შექმნა, თუმცა, მნიშვნელოვანია ვინ, როგორ ფორმაში იქნება თებერვალში. „იუვენტუსს“ კი, საკმარისი ხარისხი გააჩნია „ატლეტიკოს“ დასამარცხებლად“, – განაცხადა კაპელომ.

შეგახსენებთ, რომ „იუვენტუსისა“ და „ატლეტიკოს“ ორრაუნდიანი დაპირისპირება 20 თებერვალსა და 12 მარტს გაიმართება.