Juventus.Ge ტურინის იუვენტუსის ქართული ფან კლუბი
ტურინის “იუვენტუსის” მცველმა დანიელე რუგანიმ მილანის “ინტერთან” მატჩის შემდეგ კომენტარი გააკეთა. იტალიელი ფეხბურთელის განცხადებით, მაურიციო სარი დაცვის ხაზისგან განსხვავებულ თამაშს იტხოვს, ვიდრე ეს მასიმილიანო ალეგრის დროს იყო.
“ეს იყო კარგი ტესტი ყველასთვის, რადგან “ინტერმა” კარგად ითამაშა. რიტმი მთელი თამაშის განმავლობაში მაღალი იყო და ჩვენთვის ეს ადვილი არ ყოფილა. გარდა ამისა, ძალიან ცხელოდა და ესეც ხელისშემშმლელი ფაქტორი გამოდგა. თუმცა ამ ეტაპზე ეს ნორმალურია, რადგან ახლა მხოლოდ მზადების პროცესია, რომ სეზონს საუკეთესო კონდიციებში შევხვდეთ.
დაცვის ხაზის მექანიზმი ჯერ კიდევ დამუშავების პროცესშია, მაგრამ ჩვენ სწორ გზას ვადგავართ. მწვრთნელი ჩვენგან უფრო მაღლა თამაშსა და თამაშის წაკითხვას ითხოვს. ასეთ დროს გუნდისთვის ძალიან მნიშვნელოვანია დაცვის ხაზის კარგი თამაში.
ჩინელი გულშემატკივრებისგან ყოველთვის ვგრძნობდით დიდ ენთუზიაზმს და ნამდვილად სასიამოვნოა და ბედნიერნი ვართ აქ ყოფნით”, – თქვა რუგანიმ.
