რონალდუს საოცარი ნახტომი “ტორინოსთან” გოლის მომენტში

ტურინის „იუვენტუსის“ თავდამსხმელი კრიშტიანუ რონალდუ საოცარი ათლეტური მონაცემებით სახელგანთქმულია და მისგან გასაკვირიც აღარაფერია.

თუმცა, „ტორინოსთან“ მაინც იყო გამოსარჩევი მომენტი. 84-ე წუთზე კრიშტიანუმ დერბიში თავით გაიტანა და თავისი გუნდი წაგებისგან იხსნა. გოლის მომენტში რონალდუ ჰაერში 231 სმ-ის სიმაღლეზე იმყოფებოდა და ბურთზე რომ ეთამაშა, გასაოცარი ნახტომი გააკეთა.

შეგახსენებთ, რომ რონალდუს სერია A-ში 21 გოლი აქვს გატანილი და ბომბარდირობას უმიზნებს. თუმცა, წინ მხოლოდ სამი ტურია და ლიდერ ფაბიო კვალიარელას 3 გოლით ჩამორჩება.