ტურინის „იუვენტუსის“ თავდამსხმელმა კრიშტიანუ რონალდუ, რომელმაც „ვერონასთან“ (2:1) გამარჯვების გოლი გაიტანა, კომენტარი გააკეთა.
პორტუგალიელი ფეხბურთელის განცხადებით, გუნდი ჩემპიონთა ლიგის შემდეგ დაღლილი იყო.
„რთული თამაში იყო, მაგრამ მნიშვნელოვანია, რომ გუნდმა კარგი რეაქცია აჩვენა. ვაგებდით და მოგება მოვახერხეთ. ჩემპიონთა ლიგის შემდეგ დაღლილები ვიყავით, ეს ნორმალურია ისეთი ინტენსიური თამაშის შემდეგ, როგორიც „ატლეტიკოსთან“ გვქონდა. თუმცა, სამი ქულა მოვიპოვეთ და წინ მივდივართ“, – თქვა რონალდუმ.
შეგახსენებთ, რომ „იუვენტუსი“ მომდევნო მატჩს სამშაბათს „ბრეშასთან“ ჩაატარებს.