Juventus.Ge ტურინის იუვენტუსის ქართული ფან კლუბი
ცნობილმა ბრაზილიელმა ფეხბურთელი რივალდო არ გამორიცხავს, რომ ლიონელ მესი კარიერას „იუვენტუსში“ გააგრძელებს. „ბორბას“ აზრით, ამაზე აგენტები ოცნებობენ და ბევრი სპონსორიც თანახმა იქნება.
რივალდო იმაშიც დარწმუნებულია, რომ „იუვეს“ ფინანსური რესურსის ამოღება მარკეტინგის წყალობით მოკლე დროში არ გაუჭირდება.
„მგონია, რომ აგენტები ოცნებობენ „იუვენტუსში“ მესი-რონალდუს დუეტზე. თუ ეს მოხდება, Boom-ი იქნებოდა და „იუვეც“ სწრაფად მოახერხებს მარკეტინგის მეშვეობით ინვესტიციის ამოღებას. ისტორიული იქნებოდა მათი ერთად ხილვა და ვფიქრობ, რომ ბევრი სპონსორისთვის ეს კარგი სცენარია. შესაბამისად, ეს შესაძლებლობა არსებობს“, – თქვა რივალდომ.
ლიონელ მესის „ბარსელონასთან“ კონტრაქტი 2021 წელს ეწურება და გავრცლეებული ინფორმაციით, კლუბის დატოვებაზე სერიოზულად ფიქრობს.
