პიკე: “ნაპოლი” უკეთესი გუნდია, ვიდრე “იუვენტუსი”

კატალონიის „ბარსელონას“ მცველი ჟერარ პიკე მიიჩნევს, რომ „ნაპოლი“ „იუვენტუსზე“ კარგი გუნდია და უკეთეს ფეხბურთს თამაშობს. ამის შესახებ ესპანელმა ფეხბურთელმა „ნაპოლისთან“ ამხანაგურ მატჩამდე განაცხადა.

„ნაპოლი“ სერია A-ს გუნდებიდან ყველაზე მეტად თამაშობს „ბარსელონას“ მსგავს ფეხბურთს. ნეაპოლელებს ბურთის შენარჩუნება მოსწონთ, აკონტროლებენ თამაშს. „იუვენტუსმა“ ბოლო წლებში ჩემპიონობა მოიპოვა, მაგრამ „ნაპოლი“ უკეთესად თამაშობდა“, – თქვა პიკემ.