მირალემ პიანიჩის ტრავმა სერიოზული არ გამოდგა. ბოსნიელმა დაზიანება „ნაპოლისთან“ მატჩში მიიღო და მოედანი მეორე ტაიმის დასაწყისში დატოვა.
თუმცა, სამედიცინო გამოკვლევამ აჩვენა, რომ საშიში არაფერია და გასაკვირი არ იქნება თუ კვირას „ფიორენტინასთან“ მატჩში მოედანზე ვიხილავთ. მაგრამ არც ისაა გამორიცხული, რომ ტურინელები რისკზე არ წავიდნენ და ბოსნიელს დასვენების შესაძლებლობა მისცენ.
თუ მირალემი ფლორენციელების წინააღმდეგ ვერ ითამაშებს, მას როდრიგო ბენტანკური შეცვლის, ხოლო თავად ურუგვაელის პოზიციაზე ადრიენ რაბიო ან ფედერიკო ბერნარდესკი ითამაშებს.