მატია პერინი „ჯენოას“ ფეხბურთელი გახდება. Sky Sport-ის ცნობით, კლუბებმა საბუთები უკვე გაცვალეს და ტრანსფერი უახლოეს ხანში ოფიციალურად დადასტურდება.
პერინი მშობლიურ გუნდს მიმდინარე სეზონის ბოლომდე იჯარით დაუბრუნდება.
მატია „ჯენოას“ აღზრდილია და 2011-2013 წლებში გუნდი დატოვა („პადოვასა“ და „პესკარაში“ ითამაშა). 2013 წელს კი, გენუაში დაბრუნდა, საიდანაც 2018 წელს „იუვეს“ შუერთდა.
გასულ სეზონში მატია ვოიცეხ შჩესნის დუბლიორი იყო და თამაშის შესაძლებლობა მეტ-ნაკლებად ეძლეოდა, მაგრამ ჯანლუიჯი ბუფონის დაბრუნების შემდეგ გუნდში პერინის ადგილი აღარ დარჩა.