რამდენიმე დღის წინ ფაბიო კაპელომ ნიკოლო ძანიოლო გააკრიტიკა და მას შემდეგ ახალგაზრდა იტალიელი მოედანს უგოლოდ არ ტოვებს. ნიკოლომ „რომას“ ბოლო სამ მატჩში გატანა მოახერხა.
„გლადბახთან“, „მილანთან“ და „უდინეზესთან“ ნიკოლომ გოლები გაიტანა და კიდევ ერთხელ დაამტკიცა, რომ მართლაც ნიჭიერია.
ამასობაში ფაბიო პარატიჩი დღითიდღე აკვირდება მოვლენების განვითარებას და დიდი შანსია, რომ ზაფხულში ძანიოლოს შესაძენად ტურინელებმა შეტევა წამოიწყონ.
თუმცა, ისიც ნათელია, რომ ამ ეტაპზე „რომას“ ფეხბურთელის შენარჩუნება აქვს განზრახული. მიუხედავად ამისა, რეალური წინადადების შემთხვევაში გამორიცხული არაფერია.