მთავარი / სიახლეები / ნედვედი: “ძალიან არ გაგვიმართლა”

ნედვედი: “ძალიან არ გაგვიმართლა”

ტურინის „იუვენტუსის“ ვიცე-პრეზიდენტმა პაველ ნედვედმა ჩემპიონთა ლიგის წილისყრის დასრულების შემდეგ კომენტარი გააკეთა. ჩეხის განცხადებით, „იუვეს“ არ გაუმართლა, რადგან ყველაზე ძლიერი მეტოქე შეხვდა.

„დიდი იღბალი არ გვქონია. „ატლეტიკოს“ დამარცხება ძალიან რთულია, უძლიერესი დაცვა ჰყავს, რომელიც უკნიდან თამაშობს და წინ იცის როგორ გამოიყენოს მომენტები გრიზმანისა და სხვების მეშვეობით. ძალიან რთული ორი თამაში გველოდება და ალბათ ცოტა გოლი გავა.

ჩვენ ყველაზე ძლიერი მეტოქე შეგვხვდა, მაგრამ ეს პრობლემა არაა. კრიშტიანუ ჩემპიონთა ლიგის ადამიანია? დიახ, მაგრამ მთლიანად გუნდი ძლიერია და დარწმუნებულნი ვართ, რომ შემდეგ ეტაპზე გავალთ“, – აღნიშნა ნედვედმა.

შეგახსენებთ, რომ პირველი შეხვედრა მადრიდში, „ვანდა მეტროპოლიტანოზე“ 20 თებერვალს გაიმართება, ხოლო საპასუხო ტურინში – 12 მარტს. აღსანიშნავია, რომ მიმდინარე სეზონის ფინალიც ამ სტადიონზეა ჩანიშნული.

შემთხვევითი სიახლე

ფაჯოლის ძმა: “ნიკოლომ “იუვეს” გამო უარი “მანჩესტერს” და “ინტერს” უთხრა”

ნიკოლო ფაჯოლის ძმამ, ალესანდრო ფაჯოლიმ იტალიურ მედიას ინტერვიუ მისცა, რომელშიც თავისი ძმის შესახებ ვრცლად ისაუბრა. …

მილინკოვიჩ-სავიჩი, რაბიო და მაკკენი – “იუვეს” გეგმები ნახევარდაცვაში

ტურინის „იუვენტუსი“ ზაფხულში რომის „ლაციოდან“ სერგეი მილინკოვიჩ-სავიჩის ყიდვას კიდევ ერთხელ ეცდება. იტალიური მედიის ცნობით, „ბიანკონერი“ …