მთავარი / სიახლეები / ნედვედი: “დიბალა? სანამ სატრანსფერო ფანჯარა ღიაა, ყველაფერი შესაძლებელია”

ნედვედი: “დიბალა? სანამ სატრანსფერო ფანჯარა ღიაა, ყველაფერი შესაძლებელია”

ტურინის „იუვენტუსის“ ვიცე-პრეზიდენტი პაველ ნედვედი მონაკოში იმყოფებოდა, სადაც ჩემპიონთა ლიგის წილისყრას დაესწრო.

ჩეხმა შეაფასა „იუვენტუსის“ ჯგუფი და თქვა, რომ რთული მეტოქეები ერგოთ. გარდა ამისა, სატრანსფერო ბაზარზეც გააკეთა კომენტარი:

„წილისყრა? ჩემი აზრით, რთული ჯგუფია. ველოდი, რომ რონალდუ გაიმარჯვებდა, მაგრამ ყველაფერს ვიღებთ. მიზანი ჯგუფიდან გასვლაა, ჩვენ გავაუმჯობესეთ შემადგენლობა, ბევრი რამ შეიცვალა. დარწმუნებული ვარ, მზად ვართ დიდებული სეზონის ჩასატარებლად.

სარი? ამის შესახებ განცხადება გაკეთებულია. პნევმონიისგან გამოჯანმრთელდა, მაგრამ რეაბილიტაცია სჭირდება და სანაკრებო პაუზის შემდეგ დაბრუნდება. ჯგუფი? „ატლეტიკო“ ურთულესი მეტოქეა, სიმეონეს წინააღმდეგ ყოველთვის ასეა. „ლევერკუზენიც“ სახიფათო მეტოქეა, განსაკუთრებით სტუმრად. „ლოკომოტივთან“ კი ხანგრძლივი მგზავრობა გველოდება, მაგრამ დარწმუნებულნი ვართ, რომ შემდეგ ეტაპზე გავალთ.

დიბალა? ვფიქრობ, სანამ სატრანსფერო ბაზარი ღიაა, ვმუშაობთ, როგორც ახალწვეულებზე, ისე წამსვლელებზე. ყველაფერი შეიძლება მოხდეს. იკარდი? ვიმეორებ, ყველაფერი შეიძლება მოხდეს“, – თქვა ნედვედმა.

შემთხვევითი სიახლე

“იუვე” ტონალისთვის ბრძოლაში ფავორიტად რჩება

ტურინის „იუვენტუსი“ სანდრო ტონალისთვის ბრძოლაში ფავორიტად რჩება. მათ შორის უსწრებს „ინტერსაც“, რომელმაც ბოლო დროს ნიჭიერი …

მარკიონის მოსაზრება კულუსევსკის, დიბალას, რონალდუს, რუგანის შესახებ

კვირას, „იუვენტუსი“ „პარმას“ უმასპინძლებს. ამ მატჩის წინ Gazzetta Dello Sport-ი მარკო მარკიონის დაუკავშირდა და ინტერვიუ …

Leave a Reply

Your email address will not be published. Required fields are marked *