მთავარი / სიახლეები / მორატა: “ფავორიტი “იუვენტუსია” და იმედია მასთან თამაში აღარ მოგვიწევს”

მორატა: “ფავორიტი “იუვენტუსია” და იმედია მასთან თამაში აღარ მოგვიწევს”

მადრიდის „ატლეტიკოს“ თავდამსხმელმა ალვარო მორატამ „ლივერპულთან“ გამარჯვების შემდეგ კომენტარი გააკეთა. ესპანელმა ფავორიტად ინგლისურ გუნდთან ერთად პსჟ და „იუვენტუსი“ დაასახელა და იმედი გამოთქვა, რომ „იუვეს“ წინააღმდეგ თამაში აღარ მოუწევს.

„თუ „ლივერპულს“ გავცდებით, მირჩევნია ჩემპიონთა ლიგაზე „იუვეს“ აღარ შევხვდეთ. ჩემთვის ფავორიტები „იუვენტუსი“, „ლივერპული“ და „პარი სენ ჟერმენია“, მიუხედავად იმისა, რომ ორმა გუშინ წააგო. მიმაჩნია, რომ ნამდვილი ფავორიტები ეს სამი გუნდია“, – თქვა მორატამ.

შეგახსენებთ, რომ მორატას და „ატლეტიკოს“ „იუვენტუსთან“ თამაში ბოლო 12 თვეში ორჯერ მოუწია. შარშან მერვედფინალში იტალიურმა გრანდმა ორი მატჩის ჯამში 3:2 (0:2, 3:2) მოიგო და შემდეგ ეტაპზე გავიდა, ხოლო მიმდინარე სეზონში ჯგუფურ ეტაპზე ორი მატჩის ჯამში იგივე ანგარიში დაფიქსირდა, მადრიდში 2:2 და ტურინში – 1:0.

შემთხვევითი სიახლე

პარატიჩიმ ძანიოლოს ტრანსფერზე მუშაობა დაიწყო

ტურინის „იუვენტუსი“ „რომას“ ნახევარმცველ ნიკოლო ძანიოლოს გადაბირებას აქტიურად გეგმავს. Corriere Dello Sport-ის ცნობით, ძანიოლომ არჩევანი …

“იუვე” “ლიონს” ტურინში დაუპირისპირდება

ტურინის „იუვენტუსი“ ჩემპიონთა ლიგის მერვედფინალის საპასუხო მატჩი „ლიონთან“ „ალიანც სთედიუმზე“ გამართავს. უეფამ ოფიციალურად დაადასტურა, რომ …