მორატა: “ჩემპიონთა ლიგაზე ამ მაისურით თამაში დიდი ემოციაა”

ტურინის „იუვენტუსის“ თავდამსხმელმა ალვარო მორატამ კიევის „დინამოსთან“ (2:0) მატჩის შემდეგ კომენტარი გააკეთა. ესპანელმა დუბლი შეასრულა და მატჩის გმირი გახდა, მისი თქმით, ასე უნდა გააგრძელონ.

„ჩემპიონთა ლიგაზე ამ მაისურით თამაში დიდი ემოციაა. გვინდა ბოლომდე მივიდეთ და ამისთვის ვიბრძვით. მნიშვნელოვანი გამარჯვება იყო გუნდის წინააღმდეგ, რომელსაც პრობლემების შექმნა შეუძლია, რადგან სწრაფი და ახალგაზრდა ფეხბურთელები ჰყავს. დღეს ბურთი გვქონდა და კარგი პრესინგი გვქონდა, ასე უნდა გავაგრძელოთ. კიეზა და კულუსევსკი? ისინი კარგი ბიჭები არიან, ძალიან ძლიერი ფეხბურთელები და გიჟური მომავალი მომავალი აქვთ“, – თქვა მორატამ.

შეგახსენებთ, რომ „იუვენტუსი“ მომდევნო მატჩს სერია A-ში „ვერონასთან“ გამართავს, ხოლო ჩემპიონთა ლიგაზე „ბარსელონას“ დაუპირისპირდება.