მთავარი / სიახლეები / მონტერო: “ეს სიურპრიზი არ ყოფილა”

მონტერო: “ეს სიურპრიზი არ ყოფილა”

ტურინის „იუვენტუსის“ ყოფილმა ფეხბურთელმა პაოლო მონტერომ Tuttosport-თან ისაუბრა. ურუგვაელი ფეხბურთელის განცხადებით, მისთვის „ატლეტიკოსთან“ ნაჩვენები თამაში სიურპრიზი არ ყოფილა.

„ემრე ჯანმა ისე ითამაშა, მეც კი შემაშინებდა. შთამბეჭდავი სამუშაო შეასრულა, როგორც მცველმა და როგორც ნახევარმცველმა. თუმცა, 3:0 ჩემთვის სიურპრიზი არ ყოფილა. პირველივე წუთიდან აგრესიული „იუვე“ დავინახე, რომელმაც იცოდა რა უნდოდა. შედეგი კი, სწორი ჯილდო იყო“

– კარიერაში პლანეტის საუკეთესო ფორვარდები გაგიჩერებიათ, მათ შორის, ფენომენი რონალდო. რას ფიქრობთ, კრიშტიანუს ბოლო თამაშზე?

– კრიშტიანუ, როდესაც მაღალ ბურთზე ხდება, თითქოს პელეა, ზეცაში მიდის და ჰაერში ეკიდება. შთამბეჭდავია. მას მხოლოდ ერთი მეტოქე ჰყავს: საკუთარი თავი. ყველა ასეთი იყო, ზიდანი, დელ პიერო, დავიდსი… რონალდი და მესი ბოლო ათი წელია საოცრებებს აკეთებენ. ერთი პერიოდი მესი იყო საუკეთესო, მეორე პერიოდი – კრიშტიანუ. მესი ახლაც კარგად თამაშობს, მაგრამ ამჟამად ნომერი პირველი რონალდუა.

– რონალდუს გავლენა „იუვენტუსზე“ გავლენას ახდენს?

– არა, რადგან ზიდანს მის შესახებ ჩემთან ბევრჯერ უსაუბრია. კრიშტიანუს იგივე მენტალიტეტი აქვს, რაც „იუვეს“: მუშაობა, მუშაობა, მუშაობა.

– რონალდუს ჟესტზე რას ფიქრობთ?

– მე ალბათ უკანასკნელი ადამიანი ვარ, ვისაც ამაზე ლაპარაკის უფლება აქვს, რადგან წარსულში უარესები გამიკეთებია. გაიხსენეთ ვიგოს „სელტასთან“ მატჩი… დარწმუნებული ვარ დისკვალიფიკაციას არ მიუსჯიან, რადგან ჩოლო იმავეს გამო მხოლოდ ფინანსურად დააჯარიმეს.

– „იუვენტუსს“ მერვე სკუდეტოს ერთი ნაბიჯი აშორებს… ეს ნორმალურია?

– მე 5 სკუდეტო მოვიგე და ვიცი რამხელაა შრომაა ამის უკან. ამ „იუვენტუსს“ კი უკვე 8 სკუდეტო აქვს და ეს სიგიჟეა. ამ ყველაფერთან ერთად იყო იტალიის თასები და სუპერთასები, ორჯერ ჩემპიონთა ლიგის ფინალი. ერთი რამ ცხადია, თუ კონკურენტები არ გაიღვიძებენ, სულ მალე „იუვე“ მეოთხე ვარსკვლავსაც დაიმატებს.

შემთხვევითი სიახლე

კუადრადომ შესაძლოა “იუვე” დატოვოს

ტურინის „იუვენტუსი“ შესაძლოა ზაფხულში ხუან კუადრადომ დატოვოს. Calciomercato-ს ცნობით, კოლუმბიელ ინგლისიდან, ესპანეთიდან და იტალიიდან მსურველები …