მენდეში “იუვეს” პორტუგალიელ ფეხბურთელს სთავაზობს

გუშინ საღამოს ფაბიო პარატიჩი და ჟორჟე მენდეში (კრიშტიანუ რონალდუს აგენტი) ერთმანეთს შეხვდნენ. გარდა ამისა, შეხვედრას ანდრეა ანიელიც შეუერთდა. მხარეებმა განიხილეს მომავალი ზაფხულის გეგმები და პერსპექტიული ტრანსფერები.

ამასთან, Tuttosport-ის ინფორმაციით, მენდეშმა „იუვეს“ 2019 წლის იანვარში ახალი ფეხბურთელი შესთავაზა. საუბარია 21 წლის რუბენ ნევეშზე, რომელიც ამჟამად ინგლისური „ვულვზის“ ღირსებას იცავს.

ნევეშს პორტუგალიის ნაკრებში 9 მატჩი აქვს ჩატარებული, ხოლო პრემიერლიგის მიმდინარე სეზონში 12 შეხვედრაში მიიღო მონაწილეობა.