მთავარი / სიახლეები / სერია A / მაურიციო სარის კომენტარი “ვერონასთან” მატჩის შემდეგ

მაურიციო სარის კომენტარი “ვერონასთან” მატჩის შემდეგ

ტურინის „იუვენტუსის“ მთავარმა მწვრთნელმა მაურიციო სარიმ „ვერონასთან“ (1:2) წაგების შემდეგ ისაუბრა. იტალიელი სპეციალისტის განცხადებით, მისი გუნდი ვერ ახერხებს თამაშში იმის გადმოტანას, რასაც ვარჯიშზე აკეთებს.

„ჩვენ გვაქვს განსხვავება სახლში და სტუმრად მატჩებს შორის, როგორც თამაშის ხარისხის, ისე შედეგების თვალსაზრისით. გვინდოდა ეს პრობლემა დღეს გადაგვეწყვიტა, მაგრამ ეს არ გამოგვივიდა.

ვიცოდით, რომ რთული თამაში გვექნებოდა. არ შეიძლება დავკარგოთ მოპოვებული ქულები თუ გვინდა, რომ „იუვენტუსმა“ გამარჯვებები გააგრძელოს. „ვერონა“ მთელი თამაშის განმავლობაში ინტენსიურად გვიტევდა, მაგრამ ამას ველოდით.

ჩვენ უნდა გვესმოდეს, რომ გამარჯვება უმნიშვნელო არაა და რთულია. ეს უნდა გავითავისოთ და უნდა ვიბრძოლოთ. სწორად ვვარჯიშობთ, მაგრამ შემდეგ ვერ ვახერხებთ თამაშის დროს პოტენციალის ბოლომდე ჩვენებას. ეს არის გუნდი, რომელიც მიჩვეულია გამარჯვებებს, მაგრამ ამ მომენტში რაღაცას ვერ ვხვდებით და ვკარგავთ ქულებს“, – თქვა სარიმ.

შეგახსენებთ, რომ „იუვენტუსი“ გათამაშებას 54 ქულით ლიდერობს, ხოლო მომდევნო მატჩს 13 თებერვალს, იტალიის თასზე „მილანთან“ გამართავს.

შემთხვევითი სიახლე

პარატიჩი: “სუარესის ტრანსფერი ჩაშლილია, რადგან პასპორტის აღებას ვერ ასწრებდა”

ტურინის „იუვენტუსის“ სპორტულმა დირექტორმა ფაბიო პარატიჩიმ „სამპდორიასთან“ მატჩამდე კომენტარი გააკეთა და განაცხადა, რომ ლუის სუარესის …

“იუვე” – “სამპდორია”: ფეხბურთელთა შეფასებები

ტურინის „იუვენტუსმა“ ახალი სეზონი გენუის „სამპდორიასთან“ დამაჯერებელი (3:0) გამარჯვებით დაიწყო. გოლები დეიან კულუსევსკიმ, ლეონარდო ბონუჩიმ …