მთავარი / სიახლეები / მაურიციო სარი: “სამწუხარო შედეგია, რადგან თამაში ჩვენს ხელში იყო”

მაურიციო სარი: “სამწუხარო შედეგია, რადგან თამაში ჩვენს ხელში იყო”

ტურინის „იუვენტუსის“ მთავარმა მწვრთნელმა მაურიციო სარიმ „ატლეტიკოსთან“ (2:2) მატჩის შემდეგ აღნიშნა, რომ მისი გუნდი გაიზარდა. თუმცა, სტანდარტული მდგომარეობებიდან გაშვებულ გოლებს ხაზი გაუსვა და თქვა, რომ უფრო მეტი მუშაობაა საჭირო.

„ძალიან გავიზარდეთ ბოლო თამაშთან შედარებით. განვიხილოთ პოზიტიური ასპექტები: აქამდე აქ გოლის გატანასაც ვერ ვახერხებდით, ახლოს ვიყავით ანგარიშის 3:1 გახდომასთან და 2:2-ის შემდეგაც ვაჩვენეთ ხასიათი, როდესაც კომპენსირებულ დროში სამჯერ დავარტყით. თუმცა, ვწუხვარ ფრის გამო, რადგან თამაში დიდი ხნის განმავლობაში ჩვენს ხელში იყო. უნდა მოვუმატოთ და მეტი აგრესია გამოვიჩინოთ სტანდარტული ვითარებების დროს. ეს ნამდვილად დასანანია და უფრო მეტი უნდა ვიმუშაოთ.

კუადრადოს სასტარტოში დაყენება? მოსალოდნელი იყო, რომე სივრცეები გაჩნდებოდა და ასეთ დროს ხუანი ძალიან გამოსადეგი ფეხბურთელია. საბოლოო ჯამში თამაშით კმაყოფილი ვარ, მაგრამ გაშვებულმა გოლებმა ძალიან დაგვაზარალა“, – თქვა სარიმ.

შეგახსენებთ, რომ ჩემპიონთა ლიგაზე „იუვენტუსის“ მომდევნო მეტოქე „ლევერკუზენი“ იქნება და შეხვედრა ტურინში გაიმართება.

შემთხვევითი სიახლე

ბუფონის და კიელინის ახალი კონტრაქტები

„იუვენტუსში“ ჯანლუიჯი ბუფონისა და ჯორჯო კიელინის კონტრაქტები მიმდინარე წლის 30 ივნისს იწურება. თუმცა, ორივესთან ახალი …

სერია A-ს B გეგმა ცნობილია

იტალიის ფეხბურთის ფედერაციის პრეზიდენტმა გაბრიელე გრავინამ განაცხადა, რომ თუ სეზონი ისევ შეჩერდება, მაშინ პლეი-ოფი ჩატარდება. …