მატუიდი კარიერას ამერიკაში გააგრძელებს

ბლეზ მატუიდი ტურინის „იუვენტუს“ ტოვებს. ეს უკვე გადაწყვეტილია და მხოლოდ ოფიციალური დასტური აკლია. ფრანგმა ამერიკულ „ინტერ მაიამისთან“ შეთანხმებას მიაღწია.

ამ კლუბის მეპატრონე ლეგენდარული დევიდ ბექჰემია, რომელიც პსჟ-ში ბლეზის თანაგუნდელი იყო. მატუიდის ტურინელეთან კონტრაქტი კიდევ 1 წელი აკავშირებდა, მაგრამ საშინელმა სეზონმა და მისმა ასაკმა (33 წლისაა) კლუბს მასზე უარი ათქმევინა.

ფრანგი „იუვეს“ ღირსებას 2017 წლიდან იცავდა და 133 მატჩში 8 გოლის გატანა მოახერხა.