მატია პერინი “იუვეს” დაემშვიდობა: “მადლობა “იუვენტუსს”

მატია პერინი „ჯენოაში“ ითამაშებს. იტალიელმა მეკარემ სამედიცინო შემოწმება გაიარა და მშობლიურ გუნდს დაუბრუნდა, სადაც მიმდინარე სეზონის ბოლომდე იჯარით დარჩება.

პერინი „იუვეს“ სოციალურ ქსელში ემოციური წერილით დაემშვიდობა:

„ვტოვებ ევროპის ერთ-ერთ ყველაზე ცნობილ გუნდს ფუნდამენტურად მნიშვნელოვანი სეზონის შემდეგ. მე ვიყავი ჩემპიონების თანაგუნდელი, რომელთა მსგავსი ადამიანები ცოტაა, მათგან ვისწავლი პირველ რიგში რას ნიშნავს გამარჯვება. ეს „იუვენტუსის“ ფსიქიური მდგომარეობაა, პირველი სკუდეტო იყო ცხოვრების დარბაზი, შანსი, რომელსაც ვერც ვინატრებდი.

ბევრმა მკითხა სეზონის შემდეგ ვნანობდი თუ არა ამ არჩევანს… არასდროს, ამაზე არასდროს მიფიქრია. არ ვიცი, რა მოხდება მომავალში, ახლა ყურადღება უნდა გავამხვილო თავგადასავალზე, მაგრამ თუ ოდესმე დავბრუნდები, იმედი მაქვს ვიგრძნობ იგივე სიყვარულსა და სითბოს, რომელიც ამ საათებში მომანიჭეთ. მადლობა „იუვენტუსს“, – დაწერა პერინმა.

შეგახსენებთ, რომ „იუვემ“ მატია 2018 წლის ზაფხულში შეიძინა და გასულ სეზონში 9 თამაში ჩაატარა. თუმცა, ჯანლუიჯი ბუფონის დაბრუნების შემდეგ მესამე მეკარედ გადაიქცა და ამიტომ გუნდის დატოვება მოუწია.