Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ თავდამსხმელი მარიო მანჯუკიჩი სოციალურ ქსელში ფოტოს ტვირთავს, რომელშიც გოლს გულშემატკივრებთან ერთად აღნიშნავს. ხორვატი ხსენებულ ფოტოს შემდეგნაირად ასათაურებს:
„ეს გრძნობა არის საუკეთესო მოტივაცია, რომ, რაც შეიძლება მალე დავუბრუნდე ჩემს თანაგუნდელებს“, – დაწერა ინსტაგრამზე მანჯუკიჩმა.
შეგახსენებთ, რომ მარიომ ტრავმა მიმდინარე წლის დასაწყისში მიიღო. იტალიური მედიის ცნობით, ის ძალიან ახლოსაა დაბრუნებასთან და სავარაუდოდ, ოთხშაბათს, იტალიის თასზე, „ატალანტასთან“ განაცხადში მოხვდება.
აქვე გეტყვით, რომ მიმდინარე სეზონში ხორვატმა ფეხბურთელმა 21 მატჩში 9 გოლის გატანა მოახერხა.
