ტურინის „იუვენტუსმა“ ჩემპიონთა ლიგის ჯგუფური ეტაპის ბოლო ტურში „ლევერკუზენი“ კრიშტიანუ რონალდუსა და გონსალო იგუაინის გოლებით დაამარცხა. „ბებერმა სინიორამ“ ჯგუფში 16 ქულა დაასრულა, რაც მისთვის საუკეთესო შედეგია 1996-1997 და 2004-2005 წლების სეზონში ნაჩვენებ შედეგებთან ერთად.
„ლევერკუზენთან“ მატჩის შემდეგ კი გთავაზობთ ფეხბურთელთა შეფასებებს Calciomercato-ს ვერსიით:
ბუფონი 6 – პირველ ტაიმში ერთხელ მოუწია რეალურად საქმეში ჩართვა. დიაბის დარტყმის ეპიზოდში კი ძელმა გადაარჩინა.
დანილო 6 – როდესაც სიღრმეში იგუაინი ამოდიოდა, დანილო სწორედ მასზე აგრძელებდა შეტევას. ეს თამაში ქება-დიდებისა და შეცდომების გარეშე.
დემირალი 6.5 – რეალურად ცოტა სამუშაო ჰქონდა, მაგრამ მოედანზე დიდი სურვილით გავიდა. პირველ ტაიმში გუნდი აშკარა გოლს გადაარჩინა. კარგი თამაში ჩაატარა.
რუგანი 6.5 – დანიელესაც კარგი თამაში გამოუვიდა. ამჯერად მას დაევალა დაცვის ლიდერობა, რასაც თავი გაართვა.
დე შილიო 6.5 – მისი ზონიდან „ლევერკუზენი“ ბევრს ცდილობდა, მაგრამ დე შილიომ დაამტკიცა, რომ კარგ ფიზიკურ ფორმაშია.
კუადრადო 6 – ნახევარდაცვის ცენტრში ითამაშა, ეს მისი პოზიცია არაა და ბოლოს აპრილში ჰქონდა აქ ნათამაშები. კოლუმბიელი საქმის გულმოდგინედ შესრულებას ცდილობდა.
მურატორე შ.გ – ახალგაზრდა ფეხბურთელმა 2 წუთი ითამაშა.
პიანიჩი 6 – კაპიტნის სამკლავურით ითამაშა, თუმცა, განსაკუთრებული ეფექტების გარეშე. ახლა კი, „უდინეზესთან დისკვალიფიკაციის მოხდა მოუწევს.
რაბიო 5.5 – ასეთ თამაშში ნდობა უნდა მოეპოვებინა, რომელიც სხვებზე მეტად სჭირდება. თუმცა, მისია ვერ შეასრულა. ბევრი შეცდომა ჰქონდა, მაგრამ მეორე შანსს „უდინეზესთან“ მიიღებს.
მატუიდი შ.გ – ფრანგმა ბოლო 5 წუთი გაატარა მოედანზე.
ბერნარდესკი 5.5 – მიმდინარე სეზონში ჩვეულებრივი ბერნარდესკი ვიხილეთ. ბურთთან ერთად ის ხიფათს აღარ წარმოადგენს.
დიბალა 6.5 – შევიდა და თამაშის სურათი შეცვალა. ორი საგოლე პასიც გააკეთა.
იგუაინი 6.5 – კიდევ ერთხე შეუწყვილდა რონალდუს და სცადა მისთვის საგოლე პასის გაკეთება. შემდეგ რეალური მომენტი გაანიავა, მაგრამ მატჩის მიწურულს მორალურად მისთვის ძალიან მნიშვნელოვანი გოლი გაიტანა.
რონალდუ 6.5 – მისთვის ჩემპიონთა ლიგის ყველა თამაში განსაკუთრებულია, რომ თავისი რეკორდები გააუმჯობესოს ან მიაღწიოს. ამჯერად, კარგი ისაა, რომ გოლი ისევ გაიტანა, ზედიზედ მეორე შეხვედრაში.