მთავარი / სიახლეები / კუადრადო: “ასე თუ გავაგრძელებთ, სწრაფად ვიქნებით იქ, სადაც მწვრთნელს სურს”

კუადრადო: “ასე თუ გავაგრძელებთ, სწრაფად ვიქნებით იქ, სადაც მწვრთნელს სურს”

ხუან კუადრადო კარგ ფორმაშია და მისთვის უცხო პოზიციაზე, მარჯვენა მცველადაც ჩინებულად თამაშობს. „ლევერკუზენთან“ (3:0) მინდორზე ერთ-ერთი საუკეთესო იყო.

ნამატჩევს კოლუმბიელმა კომენტარი გააკეთა და თქვა, რომ მომატება კიდევ შეუძლია:

„მოედანზე გამარჯვების დიდი სურვილით გავედით. ისინი კარგად თამაშობდნენ, მაგრამ ჩვენ ორგანიზებულად ვიმოქმედეთ და თამაშის სადავეები ხელში ჩავიგდეთ. თუ მუშაობას გავაგრძელებთ, სწრაფად მივაღწევთ იქამდე, სადაც მწვრთნელს სურს. მასთან სეზონის დასაწყისში ვისაუბრე და ვცდილობ ორიენტირებული ვიყო ვარჯიშებზე, რადგან ვიცი, რომ ჯერ კიდევ შემიძლია თამაშის გაუმჯობესება“, – თქვა კუადრადომ.

შეგახსენებთ, რომ „იუვენტუსს“ ჩემპიონთა ლიგაზე ორი ტურის შემდეგ 4 ქულა აქვს, ხოლო მომდევნო მატჩს სერია A-ში 6 ოქტომბერს, „ინტერთან“ ჩაატარებს.

შემთხვევითი სიახლე

“იუვე” – “რომა”: ფეხბურთელთა შეფასებები

ტურინის „იუვენტუსმა“ სერია A-ს ბოლო ტურში „რომასთან“ 1:3 წააგო. გთავაზობთ ფეხბურთელთა შეფასებებს Calciomercato-ს ვერსიით: შჩესნი …

სარი: “ლიონის” თამაშით გაკვირვებული ვარ”

ტურინის „იუვენტუსის“ მთავარმა მწვრთნელმა მაურიციო სარიმ „რომასთან“ მატჩის შემდეგ პრესკონფერენცია გამართა. იტალიელმა ძირითადად „ლიონთან“ მოახლოებულ …