მთავარი / სიახლეები / ბერნარდესკი: “გამთამაშებლის პოზიციაზე თამაში მომწონს”

ბერნარდესკი: “გამთამაშებლის პოზიციაზე თამაში მომწონს”

ტურინის „იუვენტუსის“ ნახევარმცველმა ფედერიკო ბერნარდესკიმ თებერვლის შემდეგ მშრალი სერია შეწყვიტა და „ლევერკუზენთან“ (3:0) გოლი გაიტანა. ფედერიკომ ამ მატჩში ფლანგის ნაცვლად გამთამაშებლად ითამაშა და აღნიშნა, რომ ეს პოზიცია მოსწონს.

„შესანიშნავი თამაში იყო. ჩვენ ვნახეთ „იუვენტუსი“, რომლის ნახვა ყველას სურს. ვიცოდი, რომ ტექნიკური შეხვედრის დროს ვითამაშებდი და ძალიან კმაყოფილი ვარ, რადგან ამ პერიოდში კარგად ვიმუშავე. გამთამაშებლად თამაში მომწონს, რადგან სივრცე შეტევის ყველა ფრონტზე მაქვს.

შეტევაში კარგად გამოვიყურებოდით, პრესინგს მივმართავდით. „ინტერი“? უმნიშვნელოვანესი თამაში იქნება, მაგრამ ჩემპიონატი ჯერ კიდევ ძალიან გრძელია. იქ წავალთ რწმენით, რომ „იუვენტუსი“ ვართ“, – აღნიშნა ბერნარდესკიმ.

შეგახსენებთ, რომ „იუვენტუსს“ ჩემპიონთა ლიგაზე ორი ტურის შემდეგ 4 ქულა აქვს, ხოლო მომდევნო მატჩს სერია A-ში 6 ოქტომბერს, „ინტერთან“ ჩაატარებს.

შემთხვევითი სიახლე

პიანიჩი “ბარსელონაში” გადასვლაზე თანახმაა და არტურის პასუხს ელოდება

„იუვენტუსის“ ნახევარმცველი მირალემ პიანიჩი „ბარსელონაში“ გადასვლაზე საბოლოოდ თანახმაა. ბოსნიელმა უარი თქვა პსჟ-სა და „ჩელსის“ ინტერესზე …

ემრე ჯანმა რონალდუს გამარჯვებულის მენტალიტეტზე ისაუბრა

ტურინის „იუვენტუსის“ ნახევარმცველი ემრე ჯანი კრიშტიანუ რონალდუს შესახებ საუბრობს. გერმანელმა ხაზი პორტუგალიელის გამარჯვებულის მენტალიტეტს გაუსვა. …