Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ გულშემატკივარმა და ანიელების ოჯახთან დაახლოვებულმა ეველინა კრისტილინმა იტალიურ რადიოსთან ინტერვიუში თქვა, რომ მაურიციო სარის შესახებ ანდრეა ანიელი ელაპარაკა.
მან გაიხსენა ანიელის სიტყვები და თქვა, რომ სარისა და ფეხბურთელებს შორის ურთიერთობა არ იყო.
„სარის არანაირი ურთიერთობა არ ჰქონდა გუნდთან, ეს არ ყოფილა სათამაშო სტილის საკითხი. შესაბამისად, ურთიერთობის გარეშე ყველაფერი გართულდა. ანდრეა ანიელიმ მითხრა, რომ გასული სეზონი მისი პრეზიდენტობის 10-წლიან პერიოდში ყველაზე რთული იყო იმ ყველაფრის გამო, რაც მოხდა“, – თქვა კრისტილინმა.
შეგახსენებთ, რომ მაურიციო სარიმ 2019 წელს მასიმილიანო ალეგრი შეცვალა და მისი გუნდში მოყვანა პაველ ნედვედისა და ფაბიო პარატიჩის ინიციატივით მოხდა. მასთან ერთად ტურინელებმა სკუდეტო მოიგეს.
