ტურინის „იუვენტუსის“ თავდამსხმელის კრიშტიანუ რონალდუს საკითხი ძალზე აქტუალურია. იტალიური მედიის გავრცელებული ინფორმაციით, პორტუგალიელმა „მილანთან“ მატჩის შემდეგ კაპიტან ჯორჯო კიელინის დაურეკა.
რონალდუმ ჯორჯოს მოუბოდიშა და უთხრა, რომ თავს იმედგაცრუებულად გრძნობდა. გარდა ამისა, პორტუგალიელი მზადაა, რომ ტურინში დაბრუნების შემდეგ თანაგუნდელებს ყველას ერთად მომხდარის გამო ბოდიში მოუხადოს.
შეგახსენებთ, რომ რონალდუმ „მილანთან“ შეცვლის შემდეგ სტადიონი დატოვა და სათადარიგო სკამზე გუნდს არ შეუერთდა. ამჟამად 34 წლის ფეხბურთელი პორტუგალიის ნაკრების შეკრებაზე იმყოფება.