“ბარსელონა” და პსჟ ემრე ჯანში 40 მილიონ ევროს იხდიან

ემრე ჯანი ახლოსაა ტურინის „იუვენტუსის“ დატოვებასთან. გერმანელი ფეხბურთელი მაურიციო სარის გეგმებში არ ჯდება და ტრანსფერს წინ პრაქტიკულად არაფერი უდგას.

Sport-ის ინფორმაციით, პსჟ და „ბარსელონა“ მზად არიან იანვარში ფეხბურთელის შესაძენად „იუვეს“ შეთავაზება გაუკეთონ. როგორც ცნობილია, ტურინელებს გერმანელის სანაცვლოდ 40-50 მილიონ ევროს შესთავაზებენ.

გარდა ამისა, ფეხბურთელის სამსახურით „მანჩესტერ იუნაიტედიცაა“ დაინტერესებული, ტურინის დატოვება კი, თავად ფეხბურთელსაც სურს, რადგან სათამაშო პრაქტიკა არ აქვს და სარიმ მას მხოლოდ 150 წუთი დაუთმო, ხოლო ჩემპიონთა ლიგაზე საერთოდ განაცხადში არ შეიყვანა.

შეგახსენებთ, რომ ემრე ჯანი „იუვეს“ 2018 წლის ზაფხულში თავისუფალი აგენტის სტატუსით შეუერთდა და შარშან მასიმილიანო ალეგრის გუნდში წამყვანი როლი ჰქონდა. თუმცა, სარის პირობებში სიტუაცია რადიკალურად შეიცვალა.